وادی بھر میں شب معراج کی تقریبات منعقد
درگاہ حضرتبل میں اتوار کو عاشقان رسول موئے مقدس کے دیدار سے فیضاب

معراج العالم کے سلسلے وادی بھر میں تقریبات کا انعقاد کیا گیا ہے جہاں ہزاروں کی تعداد میں لوگوں نے شب خوانی کی اورعالم اسلام کی سر بلندی کے لئے دعا کی ہے ۔سب سے بڑی تقریب آثار شریف حضرتبل میں منعقد ہوئی جہاں ہزاروں کی تعداد میں فرزندان توحید نے اللہ کے حضور سربسجود ہوکر اپنے گناہوں کی بخشش طلب کی ۔ رات بھر شب خوانی کے دوران فلسفہ معراج پر مفصل روشنی ڈالی گئی جبکہ ختمات المعظمات اور درودوازکار کی محلفیں آراستہ ہوئیں ۔ اس بیچ اتوار فجر کے بعد سے ہی ذائرین کو موئے مقدس کے دیدار سے فیضاب کرایا گیا اور عشاءتک ہر نماز کے بعد عاشقان رسول دیدار سے سرشار ہوئے ۔ درودحضور ’صلی علیک یا رسول اللہ،وصلم علیک یا حبیب اللہ ‘ کا وردکرتے ہوئے فرش پر استادہ عرش کی طرف ہاتھ ا±ٹھاکر اللہ تعالیٰ کے حضوراپنے گناہوں ،خطاو¿وں اورلغزشوں کی معافی طلب اورآخرت میں دیدارنبی برحق کی تمنا پوری ہونے کیلئے گڑگڑاتے ہوئے دعائیں مانگ رہے تھے۔ادھر وادی کے اطراف واکناف سے حضرت بل کا ر±خ کرنے والے ہزاروں عقید مندوں کیلئے ایس آر ٹی سی کی جانب سے خصوصی بس سروس بہم رکھی گئی۔اس دوران شہرسرینگر اوروادی کے دوسرے تمام علاقوں میں قائم مساجد،خانقاہوں اورزیارت گاہوں میں بھی معراج العالم کی تقریب سعیدکے موقعہ پر روح پروراوربابرکت اجتماعات کااہتمام انتہائی تزک واحتشام کیساتھ کیاگیا اورلاکھوں کی تعداد میں فرزندان توحید نے نماز کے بعد اجتماعات میں حصہ لیا۔اس دوران پیر دستگیر صاحبؒ خانیار وسرائے بالا کی زیارت کو بھی سجایا سنوارا گیا ہے اور وہاں بھی چراغاں کیا گیا ہے اس موقعہ پر علماءنے فلسفہ معراج پر روشنی ڈالی۔اس موقعہ پر علمائے کرام نے کشمیری سماج کی ابتر صورتحال ، دین سے دوری ، اسلامی شعائر اور دین کی بنیادی تعلیمات سے ناواقفیت ، بے راہ روی ، ارتداد کے بڑھتے ہوئے منفی رحجانات اور دین کی آڑ میں بے دینی کو فروغ دینے کی منظم کوششوں پر فکر و تشویش کا اظہار کیا۔انہوں نے معاشرے کی ہمہ جہت اصلاح کیلئے باغیرت والدین ، اساتذہ ،معزز شہریوں اور سماج کے باشعور افراد سے تعاون طلب کیاتاکہ ہماری نئی نسل کا دینی اورتعلیمی مستقبل روشن اور درخشاں ہو اور ایک اسلامی و فلاحی معاشرہ وجود میں آسکے۔ ادھر آثار شریف پنجورہ شوپیان ، جناب صاحب صورہ،کھرم سرہامہ،خانقاہ فیض پناہ ترال، خانقاہ معلیٰ سرینگر، آثار شریف شہری کلاشپورہ کے علاوہ وادی کے دیگر اضلاع اور قصبہ جات جن میں پلوامہ ، کولگام ،سوپور، بانڈی پورہ ، اسلام آباد ، بارہمولہ اور کپوارہ شامل ہیں ،میں بھی خصوصی تقاریب کا انعقاد کیا گیا۔دریں اثناءکعبہ مرگ اننت ناگ میں معراج النبی کی تقریب کے سلسلہ میں روح پرور مجالس کا اہتمام کیا گیا جس کے دوران لوگوں کی ایک بڑی تعداد رسول پاک کے تبرکات کے دیدار سے فیضیاب ہوئے۔