گلمرگ میں کھیلو اِنڈیا سرمائی کھیل اِختتام پذیر

مرکزی وزیر مملکت نسیت پرمانک نے جیتنے والوں میں میڈل تقسیم کئے
جموںوکشمیر خوشحالی کے نئے دُور میں داخل ہوا اور جموں وکشمیر کے کھلاڑی قوم کا سر فخر سے بلند کر رہے ہیں۔ مرکزی وزیر مملکت
جموںوکشمیر نے 26 گولڈ ، 25چاندی اور 25کانسے کے تمغے جیت کر میڈل کی تعداد میں سرفہرست
گلمرگ میں آج کھیلو اِنڈیا کے تیسرے ایڈیشن کا پانچ روزہ قومی ایونٹ ایک شاندار تقریب کے ساتھ اِختتام پذیر ہوا جس میں کھلاڑیوں ، سیاحوں اور مختلف محکموں کے اَفسران سمیت دو ہزار سے زیادہ شرکا¿ نے شرکت کی۔مرکزی وزیرمملکت امورِ داخلہ اور اَمورِ نوجوان و کھیل کود نسیت پرمانک اِختتامی تقریب کے مہمان خصوصی تھے ۔اِس موقعہ پر جوائنٹ سیکرٹری مرکزی وزارت اَمورِ نوجوان و کھیل کود پریم کمار جہا،سیکرٹری یوتھ سروسز ایند سپورٹس اور سیاحت سرمد حفیظ ، سیکرتری جے اینڈ سپورٹس کونسل نزہت گل ، سی اِی او گلمرگ ڈیولپمنٹ اَتھارٹی کے علاوہ میجر جنرل آر کے سنگھ اور صدر وِنٹر گیمزرﺅف ترنبو کے علاوہ لائن ڈیپارٹمنٹوں کے اَفسران ، کھلاڑی اور سیاح موجود تھے۔ اِس موقعہ پر مرکزی وزیر مملکت نسیت پرمانک نے اَپنے خیالات کا اِظہار کرتے ہوئے کہا کہ گلمرگ میں منعقدہ تیسرا کھیلو اِنڈیا سرمائی کھیل گزشتہ مقابلوں کے مقابلے میں ایک بڑا ایونٹ تھا۔ اُنہوں نے اگلا ایونٹ اس سے بھی بڑا ایونٹ ہوگا جس کا موازنہ دیگر بین الاقوامی ایونٹس سے کیا جائے گا۔اُنہوں نے وزیر اعظم نریندر مودی ، مرکزی وزیر انوراگ ٹھاکر او رلیفٹیننٹ گورنر منوج سِنہا کا جموںوکشمیر میں ترقی پذیر کھیلوں کے بنیادی ڈھانچے کے لئے شکریہ اَدا کیا جس سے نوجوانوں کو مختلف کھیلوں میں مہارت حاصل کرنے میں مدد ملتی ہے۔مرکزی وزیر مملکت نے کہا کہ سرفراز احمد اور عارف خان جیسے کھلاڑی جنہوں نے سرمائی اولمپکس میں کھیلے ہماری قوم کا سر فخر سے بلند کیا۔اُنہوں نے کہا ،” حکومت نے گزشتہ دو برسوں میں جموںوکشمیر کے ہر ضلع میں اِنڈور سٹیڈیم تیار کیا ہے اور ہر پنچایت میںکھیل میدان بھی بنائے ہیں ۔“