بانڈی پورہ میں غیر ریاستی مزدور کی ہلاکت کا معاملہ حل، تین ملی ٹنٹ گرفتار

امسال تین ملی ٹنٹ ہلاک ، 9ہائی بریڈ ملی ٹنٹوں کو گرفتار جبکہ چھ معاون گروپوںکا پردہ فاش کیا گیا / ایس ایس پی
سرینگر/ 17ستمبر / بانڈی پورہ پولیس نے ضلع میں غیر ریاستی مزدور کی ہلاکت کا کیس حل کرنے کا دعویٰ کرتے ہوئے ہلاکت میں ملوث تین ملی ٹنتوں کو گرفتار کرنے کا دعویٰ کیا ہے۔اطلاعات کے مطابق ایس ایس پی بانڈی پورہ محمد زاہد نے پولیس و فوج کے افسران کے ہمراہ ایک پریس کانفرنس میں اس کی تفصیلات میڈیا کو بتاتے ہوئے کہا کہ 11اور 12اگست کی درمیانی رات کو ضلع میں ایک غیر ریاستی مزدور کی ہلاکت کے بعد کیس درج کر لیا گیا اور معاملے کی تحقیقات شروع کر دی گئی جس کے بعد ایک خصوصی تیم تشکیل دی گئی ۔ انہوں نے کہا کہ بہار کے امریز مسوری کے نام مزدور کو گولی مار کر ہلاک کر دیا گیاجس کے بعد معاملے کی تفتیش شروع کر دی گئی اور شواہد اور تیکنیکی ذرائع کا استعمال کرتے ہوئے کچھ مشتبہ افراد سے پوچھ گچھ کی گئی ۔انہوں نے کہاکہ آخر کار یہ پتہ چلا کہ تین مقامی عسکریت پسندوں جن کی شناخت وسیم اکرم، یاور ریاض اور مزمل شیخ کے بطور ہوئی اور وہ سارے لشکر طیبہ کے ایک ہینڈلر بابر کے ساتھ رابطے میں تھے، جو پاکستان سے کام کر رہا ہے نے یہ کام انجام دیا ۔ انہوں نے کہا کہ تینوں کی گرفتاری عمل میں لائی گئی ہے ۔ ان کا مزید کہنا تھا کہ تفتیش کے دوران ان کے قبضے سے ایک پستول سمیت ایک میگزین اور چار زندہ راو¿نڈز بھی برآمد کیے گئے ۔ انہوں نے کہا کہ اب تک بانڈی پورہ پولیس نے سیکورٹی فورسز کے ساتھ مل کر ایک مقامی اور دو غیر ملکیوں سمیت تین عسکریت پسندوں کو ہلاک کرنے میں کامیابی حاصل کی ہے”۔انہوں نے مزید کہا کہ اب تک نو ہائبرڈ عسکریت پسندوں کو بھی گرفتار کیا گیا ہے اور ضلع میں چھ بالائے زمین گروپو ں کا بھی پردہ فاش کیا گیا ۔