بھارت ۔ یوروپی یونین کے بیچ  ایف ٹی اے کو جلد حتمی شکل دی جائے گی۔ وزارت خارجہ

نئی دہلی/  ہندوستان اور یورپی یونین کو امید ہے کہ ان کے آزاد تجارتی معاہدے کو جلد ہی حتمی شکل دی جائے گی۔ وزارت خارجہ کے سکریٹری (مغرب( تنمایا لال نے کہا کہ یورپی کمیشن کی صدر ارسلا وان ڈیر لیین کی قیادت میں کالج آف کمشنرز کے دورے کے دوران، انہوں نے اور وزیر اعظم نریندر مودی نے اپنی ٹیموں کو اس سال کے اندر اندر بھارت اور یوروپی  یونین کے بیچ  ایف ٹی اے  کو حتمی شکل دینے کی ہدایت کرنے کا فیصلہ کیا۔یورپی کمیشن کی صدر ارسولا وان ڈیر لیین کی قیادت میں کالج آف کمشنرز کے حالیہ دورے کے دوران، دونوں رہنماؤں نے اپنی ٹیموں کو اس سال کے اندر اندر بھارت-یورپی یونین ایف ٹی اے کو حتمی شکل دینے کی ہدایت کرنے کا فیصلہ کیا تھا۔ ہدایات بہت واضح ہو چکی ہیں۔ مذاکرات جاری ہیں اور دونوں ٹیمیں اس عمل کو مضبوطی سے آگے بڑھا رہی ہیں۔ ہمیں بہت امید ہے کہ ایف ٹی اے کو جلد حتمی شکل دی جائے گی۔ یوروپی یونین کی صدر اس سال فروری میں ہندوستان پہنچی تھیں اور انہوں نے پی ایم مودی سے ملاقات کی۔ انہوں نے اپنی متعلقہ مذاکراتی ٹیموں کو ایک متوازن، بلند حوصلہ جاتی اور باہمی طور پر فائدہ مند   ایف ٹی اے  کے لیے مذاکرات کو آگے بڑھانے کا عہد کیا، جس کا مقصد انہیں سال کے اندر اندر مکمل کرنا  ہے۔قائدین نے عہدیداروں سے کہا کہ وہ مارکیٹ تک رسائی کو بڑھانے اور تجارتی رکاوٹوں کو دور کرنے کے لئے قابل اعتماد شراکت دار کے طور پر کام کریں۔ انہوں نے انہیں سرمایہ کاری کے تحفظ کے معاہدے اور جغرافیائی اشارے پر ایک معاہدے پر بات چیت کو آگے بڑھانے کا کام بھی سونپا۔قبل ازیں، ہندوستان میں یورپی یونین کے سفیر ہیرو ڈیلفن نے کہا کہ ہندوستان-یورپی یونین کے آزاد تجارتی معاہدے کے مذاکرات موجودہ عالمی صورتحال کی وجہ سے رفتار پکڑ رہے ہیں، اور جب کہ امریکہ کے باہمی محصولات جاری بات چیت کو تقویت دیتے ہیں، وہ فیصلہ کن عنصر نہیں ہوں گے۔