کراچی میں راشن کی تقسیم کے دوران بھگدڑ، 11 افراد ہلاک

کراچی ،ےکم اپرےل ( اے ےواےس) کراچی میں زکوة اور آٹے کی تقسیم کے دوران بھگدڑ میں بچوں سمیت گیارہ افراد ہلاک ہو گئے ہیں۔ انتظامیہ کا کہنا ہے کہ سات افراد کو گرفتار کر لیا گیا ہے۔یہ واقعہ جمعے کی شام شہر کے سائیٹ ایریا میں پیش آیا۔ ڈپٹی کمشنر کیماڑی مختیار ابڑو نے بی بی سی کو بتایا کہ ایس کے ڈائننگ نامی فیکٹری میں زکوة کی نقد رقم اور آٹا تقیسم کیا جا رہا تھا جس کے دوران خواتین اور بچوں کی ایک بڑی تعداد وہاں جمع ہوگئی تھی اس دوران وہاں بھگدڑ مچ گئی۔انھوں نے بتایا کہ اس وقت تک پانچ سے زائد افراد ہلاک ہیں اور متعدد زخمیوں کو ہپستال پہنچایا جا رہا ہے تاہم ڈاکٹر سمیعہ سید نے تصدیق کی ہے کہ اس وقت تک گیارہ افراد ہلاک ہو چکے ہیں۔ڈپٹی کمشنر کے مطابق ضلعی انتظامیہ اور پولیس کی اجازت کے بغیر راشن اور زکو کی تقیسم کی جا رہی تھی۔’پولیس نے فیکٹری کے مینجر سمیت سات افراد کو گرفتار کرلیا ہے اور اس وقتے میں غفلت برتنے پر مقدمہ بھی دائر کیا جا رہا ہے۔‘ڈی آئی جی عرفان بلوچ نے بی بی سی کو بتایا کہ فیکٹری مالکان ماہ رمضان میں ہر سال زکو اور راشن تقیسم کرتے ہیں اور جمعے کے دن تیسرا روز تھا۔’اس سے قبل دو روز 100 کے قریب لوگ آئے تھے لیکن جمعے کی شام ان کی تعداد دوگنی ہوگئی۔ دھکم پیل کے بعد بھگدڑ مچ گئی اور لوگ پیروں تلے روندے گئے۔‘انھوں نے بتایا کہ فیکٹری کے احاطے میں پانی بھر گیا۔ ’اب کسی نے شرارت کر کے پانی چھوڑا یا پائپ پھٹ گیا اس کی تحقیقات کی جا رہی ہیں۔یاد رہے کہ نورس چورنگی کے قریب پیش آنے والے اس حادثے میں ہلاک ہونے والوں میں سات سال سے لے کر 65 سال کی عمر کے افراد شامل ہیں۔فلاحی تنظیم ایدھی فاونڈیشن کے اہلکار سعد ایدھی نے بی بی سی کو بتایا کہ گزشتہ دو روز سے فیکٹری مالکان لوگوں میں دو دو ہزار نقد تقسیم کر رہے تھے۔’یہ سن کر آج بڑی تعداد میں لوگ جمع ہو گئے لیکن آج تقیسم نہیں ہوئی۔ لوگوں کو ہٹانے کے لیے مارپیٹ بھی ہوئی، اس دوران بھگدڑ مچ گئی اور لوگ گر گئے۔ وہاں گٹر کا پانی بھی موجود تھی جو لوگوں کے ناک سے اندر چلا گیا اور بعض ہلاکتیں اس کی وجہ سے بھی ہوئیں۔‘