ملک میں ایکٹیو معاملوں کی کمی کے ساتھ مجموعی تعداد 135364 ہو گئی

ملک میں ایکٹیو معاملوں کی کمی کے ساتھ مجموعی تعداد 135364 ہو گئی
نئی دہلی، ۵اگست (یو این آئی) ملک میں گزشتہ 24 گھنٹوں کے دوران 1114 ایکٹیو معاملوں کی کمی کے ساتھ ان کی کل تعداد کم ہو کر 1,35,364 ہو گئی ہے جبکہ اس دوران کورونا انفیکشن کے 20,551 نئے معاملے سامنے آئے اور 21,595 مریض اس وبا سے صحتیاب ہوچکے ہیں۔ دریں اثنا، آج صبح 7 بجے تک ملک میں 205.59 کروڑ سے زیادہ ویکسین لگائی جا چکی ہیں۔ گزشتہ 24 گھنٹوں میں 36,95,835 افراد کو ٹیکے لگائے گئے۔ جمعہ کو صحت و خاندانی فلاح وبہبود کی مرکزی وزارت کی طرف سے جاری کردہ اعداد و شمار کے مطابق گزشتہ 24 گھنٹوں میں کورونا انفیکشن کے 20551 نئے معاملے سامنے آنے سے متاثرہ افراد کی کل تعداد 4,41,07,588 ہو گئی ہے ، جبکہ اس انفیکشن کی وجہ سے 21595 لوگ صحت یاب ہو چکے ہیں، اس کے ساتھ ہی کورونا سے صحتیاب ہونے والوں کی کل تعداد 43445624 ہو گئی ہے ۔ ملک میں ایکٹو کیسز کی شرح 0.31 فیصد ہے ، جب کہ صحت یاب ہونے کی شرح 98.50 اور اموات کی شرح 1.19 فیصد ہے ۔ گزشتہ 24 گھنٹوں میں ملک میں 4 لاکھ 110 کووڈ ٹیسٹ کیے گئے ہیں اور اب تک کل 87 کروڑ 71 لاکھ 60 ہزار 646 کووڈ ٹیسٹ کیے گئے ہیں۔ ملک کی 37 ریاستوں اور مرکز کے زیر انتظام علاقوں میں سے 12 ریاستوں اور مرکز کے زیر انتظام علاقوں میں گزشتہ 24 گھنٹوں میں کورونا کے ایکٹیو کیسز میں اضافہ ہوا ہے اور 23 میں فعال کیسز میں کمی آئی ہے ۔ جب کہ دو مرکز کے زیر انتظام علاقوں لداخ اور لکش دیپ میں ایکٹو کیسز میں کوئی تبدیلی نہیں آئی ہے ۔ مغربی بنگال میں گزشتہ 24 گھنٹوں میں 1172 کورونا ایکٹیو کیسز کی کمی کے بعد ان کی کل تعداد 9948 پر آ گئی ہے اور اس سے چھٹکارا پانے والوں کی تعداد بڑھ کر 2065564 ہو گئی ہے ۔ اس وبا کی وجہ سے مزید چار مریضوں کی موت سے ریاست میں اب تک 21384 لوگوں کی موت ہو چکی ہے ۔ دارالحکومت دہلی میں 538 ایکٹو معاملوں کے اضافے کے ساتھ ان کی کل تعداد 6175 ہو گئی ہے ۔ اس دوران 1660 افراد کے صحت یاب ہونے سے اس مرض سے نجات پانے والے افراد کی تعداد 1929874 تک پہنچ گئی ہے اور اس وبا سے مزید 4 افراد کے ہلاک ہونے سے اموات کی تعداد 26325 ہو گئی ہے ۔ملک کی سب سے بڑی ریاست اتر پردیش میں 415 ایکٹو معاملے بڑھ کر 4000 ہو گئے ہیں۔ اس دوران مزید 464 افراد کے صحت یاب ہونے کے بعد اس سے چھٹکارا پانے والوں کی مجموعی تعداد 2077620 ہوگئی ہے اور اس وبا سے دو افراد کے ہلاک ہونے کے بعد اموات کی تعداد 23573 ہوگئی ہے ۔