کورونا کے فعال معاملوں میں معمولی اضافہ

نئی دہلی، 21 فروری (یو این آئی) ملک میں کورونا انفیکشن کے معاملات میں معمولی اضافے کے درمیان، گزشتہ 24 گھنٹوں میں ان کی تعداد 36 بڑھ کر 1921 ہو گئی جبکہ تین متاثرین کی موت ہو گئی ہے ۔گزشتہ 24 گھنٹوں کے دوران ملک میں 6,914 کووِڈ کے ٹیکے دئے گئے ہیں اور اب تک کل 220 کروڑ 63 لاکھ 46 ہزار 917 افراد کو ٹیکے دئے جاچکے ہیں۔منگل کی صبح صحت اور خاندانی بہبود کی مرکزی وزارت کی طرف سے جاری کردہ اعداد و شمار کے مطابق، اسی عرصے کے دوران 90 مریض صحت یاب ہو چکے ہیں۔ کیرالہ میں 10 ایکٹو کیسز میں سب سے زیادہ اضافہ ہوا ہے ، اس کے بعد مہاراشٹر، تمل ناڈو اور تلنگانہ میں چھ چھ، آندھرا پردیش میں دو، چنڈی گڑھ، پڈوچیری، گوا، گجرات، ہماچل پردیش اور مدھیہ پردیش کے مرکز کے زیر انتظام علاقوں میں ایک ایک کیس سامنے آیا ہے ۔تفصیلی اعداد و شمار کے مطابق ملک میں کورونا انفیکشن کے رجسٹرڈ کیسز کی تعداد 4 کروڑ 46 لاکھ 85 ہزار 132 ہے اور اس مرض سے جاں بحق ہونے والوں کی تعداد 4 کروڑ 41 لاکھ 52 ہزار 450 ہے جب کہ مرنے والوں کی تعداد 5,30,761 ہو گئی ہے ۔