مرکزی وزیر سیاحت نے ایڈونچر ٹورازم کو فروغ دینے کے لیے اسکائی ڈائیو کیا

 نارنول( ہریانہ)/ مرکزی وزیر سیاحت گجیندر سنگھ شیخاوت نے اسکائی ڈائیونگ کے عالمی دن کو اسکائی ڈائیو کے ساتھ منایا، جو ہندوستان کا واحد شہری اسکائی ڈائیونگ ڈراپ زون نارنول ایئر سٹرپ، ہریانہ میں واقع ہے۔’ وزیر موصوف نے ایکس پر ایک پوسٹ میںکہا کہ  ورلڈ اسکائی ڈائیونگ ڈے کے موقع پر، آج صبح اسکائی ڈائیونگ کے نئے ہوائی جہاز کو جھنڈی دکھا کر اور ہریانہ کے نارنول ایئر سٹرپ پر ہندوستان کے واحد سویلین اسکائی ڈائیونگ ڈراپ زون اسکائی ہائی میں ایک ٹینڈم اسکائی ڈائیو لینے کی خوشی ہوئی۔ نئے اور مہم جوئی سے بھرپور بھارت کے لیے، آسمانوں کی بھی کوئی حد نہیں ہے ۔ اس موقع پر نامہ نگاروں سے خطاب کرتے ہوئے، شیخاوت نے  اپنی  جوش کا اظہار کیا۔ انہوں نے کہا کہ میں اپنی اسکائی ڈائیو نگ کے بعد پرجوش محسوس کر رہا ہوں اور اس بات پر یقین کر رہا ہوں کہ ہندوستان میں اسکائی ڈائیونگ کا مستقبل روشن ہے۔ ہمارے ملک سے ہزاروں لوگ اسکائی ڈائیونگ کے سنسنی کا تجربہ کرنے کے لیے دبئی، سنگاپور، تھائی لینڈ اور نیوزی لینڈ کا سفر کرتے ہیں۔ شیخاوت نے ہندوستان میں سیاحت کو فروغ دینے کے لیے ایرو اسپورٹس کی اہمیت پر زور دیا۔  ‘ہندوستان میں اسکائی ڈائیونگ ایڈونچر ٹورازم انڈسٹری کے لیے ایک بہت بڑا فروغ ہوگا اور نئے سیاحتی مقامات کو فروغ دینے میں ایک طویل سفر طے کرے گا۔ حکومت ٹیم Skyhigh کے ساتھ مل کر کام کر رہی ہے تاکہ یہ یقینی بنایا جا سکے کہ  یہ کھیل ملک کے مختلف حصوں میں دستیاب اور قابل رسائی ہے۔ ہم فی الحال گوا اور مدھیہ پردیش پر توجہ مرکوز کر رہے ہیں۔وزیر نے اسکائی ہائی انڈیا کے ساتھ تعاون پر بھی روشنی ڈالی، جو ملک کا سب سے بڑا اور واحد بین الاقوامی اسکائی ڈائیونگ ڈراپ زون ہے۔ 2016 میں قائم کیا گیا، اسکائی ہائی انڈیا دہلی سے صرف دو گھنٹے کے فاصلے پر نارنول ہوائی پٹی سے کام کرتا ہے۔