ایشیائی کھیلوں میں 100 تمغے۔ بھارت کی ایک تاریخی کامیابی۔ پی ایم مودی

 نئی دلی/وزیراعظم جناب نریند رمودی نےکہا ہے کہ ایشیائی کھیلوں میں ہمارے ایتھلیٹوں کے ذریعے100 تمغے حاصل کرنے کے تاریخی  لمحے پر ملک  کے عوام جوش و  جنون سے سرشار ہے۔وزیراعظم 10 اکتوبر کو  بھارتی دستے کی میزبانی کریں گے اور ان سے بات چیت کریں گے۔وزیراعظم نے سوشل میڈیا  ایکس پر پوسٹ کرتے ہوئے کہا؛’’ایشیائی کھیلوں کی بھارت کی یادگاری کامیابی!بھارتی  عوام سے  اس سے بات سےپرجوش ہیں کہ ہم نے 100 تمغوں کا ایک قابل ذکر سنگ میل پار کرلیا ہے۔میں اپنے ان عظیم کھلاڑیوں کی دل کی گہرائی سے مبارکباد پیش کرتا ہوں، جن کی کوششوں سے بھارت کو یہ تاریخی کامیابی حاصل ہوئی ہے۔ہر ایک  حیرت انگیز مظاہرے نے ایک تاریخ رقم کی ہے اور ہمارے دلوں کو فخر سے لبریز کردیا ہے۔میں، 10 تاریخ کو ایشائی کھیلوں میں اپنے بھارتی دستے کی میزبانی کرنے اور اپنے ایتھلیٹوں کے ساتھ بات چیت کرنے کے لئے منتظر ہوں۔‘‘ اس سے پہلےوزیر اعظم جناب نریندر مودی نے خواتین کی کبڈی ٹیم کو ایشیائی کھیلوں میں تاریخی گولڈ میڈل جیتنے پر مبارکباد دی ہے۔وزیر اعظم نےایکس پر پوسٹ کیا:”یہ ایشیائی کھیلوں میں ہندوستان کے لیے ایک تاریخی لمحہ ہے۔ ہماری خواتین کی کبڈی ٹیم نے گولڈ میڈل جیتا ہے! یہ جیت ہماری خواتین کھلاڑیوں کے ناقابل تسخیر جذبے کا ثبوت ہے۔ ہندوستان کو اس کامیابی پر فخر ہے۔ ٹیم کو مبارک ہو۔ ان کی مستقبل کی کوششوں کے لیے نیک خواہشات۔”وزیر اعظم جناب نریندر مودی نے ایشیائی کھیلوں میں کمپاؤنڈ تیر اندازی کے  مردوں کے انفرادی مقابلے میں چاندی کا تمغہ جیتنے پر تیر انداز ابھیشیک ورما کو مبارکباد پیش کی ہے۔جناب مودی نےایکس  پر پوسٹ کیا:”تیر انداز ابھیشیک کی شاندار کارکردگی۔کمپاؤنڈ تیر اندازی  کے مردوں کے انفرادی مقابلے میں چاندی کا تمغہ جیتنے پر مبارکباد۔ ان  کی مہارت اور کھیل کا جذبہ روشن ہے، اور ہندوستان اس کامیابی سے بہت پرجوش ہے۔”