بانڈی پورہ اور سرینگر میں آگ وارداتیں تین رہائشی مکانات خاکستر

بانڈی پورہ اور سرینگر میں آگ کی دو الگ الگ وارداتوں میں تین رہائشی مکان جل کر خاکستر ہوئے جبکہ ان میںموجود لاکھوں روپے مالیت کا سامان راکھ کی ڈھیر میں تبدیل ہو گیا ۔ اطلاعات کے مطابق سرینگر کے سٹی کالونی الاہی باغ سرینگر میں جمعہ کی شام دیر گئے اس وقت افر ا تفری کا ماحول پھیل گیا جب آگ کی ایک ہولناک واردات رونما ہوئی ۔معلوم ہوا ہے کہ آگ سجا احمد میر ولد غلام رسول میر کے مکان سے نمودار ہوئی جس نے دیکھتے ہی دیکھتے اپنے متصل ایک اور مکان کو اپنی لپیٹ میںلیا ۔ آگ لگتے ہی مقامی لوگوں نے محکمہ فائر اینڈ ایمرجنسی اہلکاروں کے ساتھ آگ بجھانے کیلئے کارروائی شروع کردی تاہم جب تک آگ پر قابو پا لیا گیا دو رہائشی مکان جل کر خاکستر ہو گئے دونوں مکانوں میںموجود تمام ساز و سامان راکھ کی ڈھیر میں تبدیل ہو گیا ۔ دونوں مکان مالکوں کی شناخت سجاد احمد میر ولد غلام رسول میر اور ریاض احمد نجار ولد محمد سلطان نجار کے بطور ہوئی ہے تاہم آگ لگنے کی وجوہات فوری طور پر معلوم نہیںہو سکی ۔ ادھر بانڈی پورہ کے منتری گام گاو¿ں میں سنیچروار کی صبح ایک دو منزلہ مکان میں آگ نمودار ہوگئی جس کے شعلوں نے مکان کو چشم زدن میں اپنی لپیٹ میں لے کر راکھ کے ڈھیر میں تبدیل کر دیا۔انہوں نے مالک مکان کی شناخت محمد رمضان گنائی ولد عبدالاحد گنائی کے بطور کی ہے۔ان کا کہنا تھا کہ آگ لگنے کی وجوہات معلوم نہیں ہوسکی ہیںتاہم آگ لگنے سے مکان میںموجود تمام ساز و سامان راکھ کی ڈھیر میں تبدیل ہو گیا ۔