مرکزی وزیر اشونی ویشنو نے وادی کشمیر اور دہلی کے درمیان روزانہ ٹائم ٹیبل پارسل خدمات کا اعلان کیا

نئی دہلی/۔ریلوے کے مرکزی وزیر اشونی ویشنو نے اعلان کیا کہ حکومت ہند روزانہ ٹائم ٹیبل والا پارسل متعارف کرانے کے لیے تیار ہے، جو جمعرات کو کشمیر اور دہلی کو جوڑے گا۔ایکس پر ایک پوسٹ میں اشونی ویشنو نے کہا کہ یہ پارسل خدمات وادی کشمیر کے بڈگام علاقے سے دہلی کے آدرش نگر تک شروع ہوں گی۔وزیر ریلوے نے مزید کہا کہ یہ خدمات رواں سال 13 ستمبر سے نافذ العمل ہوں گی۔ ویشنو کے مطابق، وہ اس بات پر زور دیتے ہیں کہ یہ خدمات کشمیر کے سیب کے کسانوں کو بااختیار بنائیں گی۔انہوں نے مزید کہا کہ بڈگام سے دہلی تک سیب لے جانے والی دو پارسل وینوں کو لوڈ کرنے کی خدمات اب آج سے شروع ہو رہی ہیں۔ اس دوران کورئیر کے کاروبار میں ریلوے کا حصہ بڑھانے اور صارفین کو ایک موثر، قابل بھروسہ اور اقتصادی آپشن فراہم کرنے کے لیے، ریلوے بورڈ نے جوائنٹ پارسل پروڈکٹ۔ریپڈ کارگو (جے پی پی، ڈی ویژن( میں ریلوے کی سہولیات کی منظوری دی۔ جموں ڈویژن کے سینئر کمرشل ڈویژنل منیجر اچیت سنگھل کے مطابق اس پارسل کی پہلی سروس 13 ستمبر کو دوپہر 12.10 بجے دہلی کے آدرش نگر سے بڈگام کے لیے روانہ ہوگی۔ یہ 15 ستمبر کی صبح 06:15 بجے بڈگام سے دہلی کے لیے روانہ ہوگی۔ ٹرین چلانے کا بنیادی مقصد کشمیر کے تاجروں کو فائدہ پہنچانا اور اس بات کو یقینی بنانا ہے کہ ان کا سامان ملک کے کونے کونے تک پہنچے جس میں بنیادی طور پر سیب، زعفران، اخروٹ، پشمینہ شال، قالین اور کشمیری دستکاری جیسی اشیاء شامل ہیں۔ یہ ٹرین تقریباً 23 گھنٹے میں دہلی پہنچنے والی ہے، جسے بڈگام سے سڑک کے سفر سے کم وقت سمجھا جاتا ہے۔ان خدمات کو دوبارہ شروع کرنے کے فیصلے پر روشنی ڈالتے ہوئے ڈویژنل ریلوے منیجر وویک کمار نے کہا کہ اس پارسل ٹرین سروس کو دوبارہ شروع کرنے کا فیصلہ خراب موسم کی وجہ سے کیا گیا ہے۔ شدید بارش کی وجہ سے سڑکوں کی آمدورفت متاثر ہو رہی ہے، سیب اور دیگر پھلوں کو ملک بھر کی دیگر ریاستوں اور دیہاتوں تک پہنچانے میں متعدد مسائل پیدا ہو رہے ہیں۔ اس مسئلے کو حل کرنے کے لیے ریلوے نے پارسل ٹرین شروع کرنے کا فیصلہ کیا۔