قومی سلامیت کے مشیر اجیت ڈوبھال  اور وزیرخارجہ جے شنکر کا اگست میں روس کا دورہ متوقع

 نئی دہلی۔ 3 ؍ اگست ۔ایم این این۔امریکی صدر ڈونالڈ ٹرمپ کے روس سے تیل کی درآمدات کو کم کرنے کے مطالبے اور نئی دہلی ایسا کرنے میں ناکام ہونے پر جرمانے کی دھمکی کے درمیان، ہندوستان مبینہ طور پر اس ماہ کے آخر میں ماسکو کے دو اعلیٰ سطحی دوروں کا منصوبہ بنا رہا ہے۔ اس دورے کو دو دوست ممالک کے درمیان مستحکم تعلقات کے تسلسل کے اعادہ کے طور پر دیکھا جا رہا ہے۔دی اکنامک ٹائمز کی ایک رپورٹ کے مطابق، قومی سلامتی کے مشیر اجیت ڈو بھال اور وزیر خارجہ ایس جے شنکر اس ماہ ماسکو کا دورہ کرنے کا منصوبہ بنا رہے ہیں۔ اسی رپورٹ میں مزید کہا گیا ہے کہ جہاں ڈووبھال اس ماہ کے اوائل میں ماسکو کا دورہ کر سکتے ہیں، جے شنکر اگست کے وسط میں روس کے دورے کا منصوبہ بنا رہے ہیں۔ٹرمپ نے بھارت اور روس پر کڑی تنقید کرتے ہوئے انہیں ’’مردہ معیشت‘‘ قرار دیا اور تجارتی تعلقات میں عدم دلچسپی کا اظہار کیا۔ انہوں نے روس کے ساتھ اسٹریٹجک تجارت کے لیے بھارت پر 25 فیصد ٹیرف اور اضافی جرمانے کا اعلان کیا۔ ٹرمپ نے زیادہ ٹیرف کی وجہ سے ہندوستان کے ساتھ کم سے کم کاروبار کا دعویٰ کیا اور روس کے ساتھ تجارت کو مسترد کرتے ہوئے میدویدیف کو خبردار کیا کہ وہ محتاط رہیں۔ یہ تبصرہ اس کے چند گھنٹے بعد آیا جب انہوں نے بھارت پر 25 فیصد نئے ٹیرف اور روس کے ساتھ اسٹریٹجک تجارت جاری رکھنے پر اضافی جرمانے کا اعلان کیا۔سینئر سرکاری عہدیداروں نے کہا کہ نئے ٹیرف کے ساتھ عائد جرمانہ خاص طور پر روس کے ساتھ ہندوستان کی بڑھتی ہوئی توانائی اور دفاعی تجارت سے متعلق ہے۔بھارت کی روسی خام تیل کی درآمد روس۔یوکرین جنگ سے پہلے 0.2% سے بڑھ کر اس کی کل تیل کی خریداری کے تقریباً 35-40% تک پہنچ گئی ہے، جس سے وہ چین کے بعد ماسکو کا دوسرا سب سے بڑا خریدار بن گیا ہے۔ بھارت نے مغربی پابندیوں کے باوجود روس سے جدید ہتھیاروں کے نظام کا حصول جاری رکھا ہوا ہے۔