8جون تک ہلکی سے اعتدال پسند بارش کی پیشگوئی

گرج چمک کےساتھ طوفانی ہواﺅںکی وارننگ
 سیلاب،زمین کھسکنے اورمٹی کے تودے گرآنے کاخطرہ
سری نگر : ہفتہ کو موسمیاتی مرکزمرکز کے ڈائریکٹر ڈاکٹر مختاراحمدنے ایک ہفتہ طویل موسم کی پیشگوئی کا اشتراک کرتے ہوئے کہا کہ وقفے وقفے سے ہلکی سے اعتدال پسند بارش اور گرج چمک کے ساتھ 31 مئی کو جموں وکشمیرمیں جاری رہنے کی توقع ہے۔ کچھ اونچے علاقوں میں ہلکی برفباری کے امکانات کےساتھ انہوں نے کہا کہ مزید شدید بارشیں، تیز ہوائیں، اور الگ تھلگ ژالہ باری بھی ہو سکتی ہے۔جے کے این ایس کے مطابق موسمیاتی مرکزمرکز کے ڈائریکٹر ڈاکٹر مختارنے مزیدکہاکہ یکم سے 2جون تک، الگ تھلگ مقامات پر ہلکی بارش یا گرج چمک کے ساتھ بارش کا امکان ہے۔ انہوںنے کہاکہ 4 تا 6 جون کی پیش گوئی زیادہ تر خشک موسم کی پیش گوئی کرتی ہے، حالانکہ کچھ جگہوں پر دوپہر کی ہلکی بارش ہو سکتی ہے۔ ماہرموسمیات ڈاکٹر مختاراحمدنے کہاکہ7 اور 8 جون کوبعددوپہربکھری ہوئی بارش یا گرج چمک کے ساتھ بارش واپس آسکتی ہے۔انہوں نے کہا کہ کچھ خطرناک مقامات پر لینڈ سلائیڈنگ اور مٹی کے تودے گرنے کا امکان ہے، اور شدید بارشوں سے الگ تھلگ مقامات پر سیلابی صورتحال پیدا ہو سکتی ہے۔ موسمیاتی مرکزسری نگر نے شدید بارشوں کی وجہ سے کمزور علاقوں میں لینڈ سلائیڈنگ، مٹی کے تودے اور سیلاب کے خطرے کو بھی اجاگر کیا۔رہائشیوں پر زور دیا گیا ہے کہ وہ طوفانی حالات یعنی50سے60کلومیٹر فی گھنٹہ کی رفتار سے تیز ہوائیں چلنے کے دوران ڈھیلے ڈھانچوں، بجلی کے کھمبے، بے نقاب تاروں اور بوسیدہ درختوں سے گریز کریں۔