ای کامرس کی ترقی شہریوں پر مرکوز ہونی چاہیے۔ پیوش گوئل

 نئی دلی/  صنعت  و تجارت کے مرکزی وزیر جناب پیوش گوئل نے کہا کہ ہمیں یہ یقینی بنانا چاہیے کہ ای کامرس کی ترقی شہریوں پر مرکوز ہو۔ آج نئی دہلی میں پہلے انڈیا فاؤنڈیشن کی ‘ انڈیا میں روزگار اور صارفین کی بہبود پر ای کامرس کے خالص اثرات’ پر ایک رپورٹ کے اجراء میں شرکت کرتے ہوئے وزیر موصوف نے کہا کہ ای کامرس کی ترقی کو  معاشرے کے بڑے طبقے کے درمیان فوائد  کیلئے   تقسیم کو جمہوری بنانا چاہیے۔جناب گوئل نے کہا کہ ٹیکنالوجی بااختیار بنانے، اختراع کرنے کا ذریعہ ہے اور صارفین کی ضروریات کو پورا کرنے کا ذریعہ ہے لیکن یہ ترقی ایک منظم انداز میں ہونی چاہیے۔ انہوں نے کہا کہ مارکیٹ شیئر کی دوڑ میں ہمیں ملک بھر کے 100 ملین چھوٹے خوردہ فروشوں کے لیے رکاوٹ پیدا نہیں کرنا چاہیے۔جناب گوئل نے ہندوستان کی ترقی پذیر معیشت کی حفاظت اور ان لوگوں کی حمایت کرنے کی اہمیت پر زور دیا جنہیں ابھی بھی مثبت اقدام کی ضرورت ہے۔ انہوں نے کہاکہ وہاں ایک بڑا طبقہ ہے جو اب بھی ہماری مدد کا مستحق ہے۔ جب بات ہندوستان کے مستقبل کے لیے ملازمتوں اور مواقع کی ہو، تو میں سمجھتا ہوں کہ ہم سب کو اپنا کردار ادا کرنا ہوگا۔جناب گوئل نے ہندوستان کے روایتی خوردہ شعبے پر ای کامرس کے بڑھتے ہوئے اثر و رسوخ اور روزگار پر اس کے ممکنہ اثرات کے بارے میں اپنی تشویش کا اظہار کیا۔ وزیر نے اس امکان کو اجاگر کیا کہ ہندوستان کی آدھی مارکیٹ اگلی دہائی میں ای کامرس نیٹ ورک کا حصہ بن سکتی ہے، اس پیش رفت کو انہوں نے "تشویش کا معاملہ” قرار دیا۔ای کامرس کے وسیع تر مضمرات پر غور کرتے ہوئے، شری گوئل نے اس کے اثرات کے بے لاگ اور ڈیٹا پر مبنی تجزیہ پر زور دیا۔ مغربی ممالک کے ساتھ موازنہ کرتے ہوئے، شری گوئل نے ای کامرس کے عروج کی وجہ سے امریکہ اور یورپ جیسے ممالک میں روایتی "موم اینڈ پاپ ” اسٹورز کی کمی کو نوٹ کیا۔ انہوں نے نشاندہی کی کہ سوئٹزرلینڈ ای کامرس کے حوالے سے محتاط رویہ رکھتا ہے۔میں ای کامرس سے دور رہنے کی خواہش نہیں کر رہا ہوں۔ یہ یہاں رہنے کے لیے ہےلیکن ہمیں اس کے کردار کے بارے میں بہت احتیاط  سے سوچنا ہوگا۔ کیا شکاری قیمتوں کا تعین ملک کے لیے اچھا ہے؟”وزیر نے مقامی کاروباروں اور روزگار پر ای کامرس کے اثرات کے بارے میں اپنی تشویش کا اظہار کیا، خاص طور پر فارمیسیوں اور موبائل فون کی مرمت کی دکانوں جیسے شعبوں میں۔ اپنے کلمات کے اختتام پر، انہوں نے کاروباری برادری اور ماہرین پر زور دیا کہ وہ ملک کی ضروریات کے تناظر میں ای کامرس کے اثرات کا تفصیلی اور سائنسی انداز میں بغور مطالعہ کریں اور اس کا جائزہ لیں۔