صدر مرمو نے جنوبی سوڈان، زمبابوے، ارجنٹائن کے سفیروں سے اسناد قبول کیں

نئی دہلی / صدر دروپدی مرمو نے جمعرات کو نئی دہلی کے راشٹرپتی بھون میں جنوبی سوڈان، زمبابوے، اسپین اور ارجنٹائن کے سفیروں سے اسناد قبول کیں۔ راشٹرپتی بھون نے ایک پریس ریلیز میں کہا، "ہندوستان کی صدر محترمہ دروپدی مرمو نے آج راشٹرپتی بھون میں منعقدہ ایک تقریب میں جنوبی سوڈان، زمبابوے، اسپین اور ارجنٹائن جمہوریہ کے سفیروں سے اسناد قبول کیں۔جن سفیروں نے صدر مرمو کو اپنی اسناد پیش کیں ان میں اسپین کے سفیر جوآن انتونیو مارچ پوجول اور جمہوریہ ارجنٹائن کے سفیر ماریانو آگسٹن کاکینو تھے۔ حال ہی میں، ہندوستان اور ارجنٹائن نے دوستی، تعاون اور مشترکہ اقدار کے ذریعہ نشان زدہ دو طرفہ تعلقات کے 75 سال کی یاد منائی۔ دونوں ممالک کے درمیان 3 فروری 1949 کو سفارتی تعلقات قائم ہوئے تھے۔ اس سے قبل یکم فروری کو ارجنٹائن کے سکریٹری برائے بین الاقوامی اقتصادی تعلقات سفیر مارسیلو سیما نے ارجنٹائن میں ہندوستانی سفیر دنیش بھاٹیہ کا استقبال کیا اور دونوں نے دو طرفہ تعاون اور اقتصادیات کے اہم موضوعات کا جائزہ لیا۔  اس دوران، ہندوستان اور اسپین کے درمیان تعلقات 1956 میں سفارتی تعلقات کے قیام کے بعد سے خوشگوار رہے ہیں۔ اسپین اور ارجنٹائن کے سفیروں کے علاوہ؛ جمہوریہ جنوبی سوڈان کے سفیر  لمیمبوا   میکللے نیجوک او رجمہوریہ زمبابوے  کی سفیر سٹیل نکامونے بھی صدر کو اپنی اسناد پیش کیں۔