سینما صرف تفریح   اور کاروبار کے بارے میں نہیں ہے، یہ سماجی تبدیلی کا ایک طاقتور ذریعہ ہے۔ منوج سنہا

سری نگر/ جموں و کشمیر  کے  لیفٹیننٹ گورنر جناب منوج سنہا نے آج سری نگر میں محترمہ نروپما کوٹرو اور شانتنو رے چودھری کی طرف سے ایڈٹ کردہ کتاب ’’دی سوئنگنگ 70: دی اسٹارز، اسٹائل اینڈ سبسٹینس ان ہندی سنیما‘‘ کا اجرا کیا۔لیفٹیننٹ گورنر نے اپنے خطاب میں ایڈیٹرز محترمہ نروپما کوٹرو اور ش شانتنو رے چودھری  اور پبلشر، اوم بکس کو بہترین کتاب کو منظر عام پر لانے پر مبارکباد دی۔ اس موقع پر انہوں نے کہا کہ سینما صرف تفریح   اور کاروبار کے بارے میں نہیں ہے۔ یہ سماجی تبدیلی کا ایک طاقتور ذریعہ ہے۔ کمرشل فلموں اور متوازی سنیما کے مشہور کاموں کے ذریعے، ہمارے فلم سازوں نے تفریح اور سماجی ذمہ داری کے درمیان توازن قائم کرنے کی کوشش کی ہے۔ یہ ثقافتی اقدار کی عکاسی کرتا ہے اور اس نے ہمیشہ قوم کی تعمیر میں اہم کردار ادا کیا ہے۔انہوں نے کہا کہ یہ کتاب قارئین کے لیے ہندی سنیما کے 70 کی دہائی کے دور کو دوبارہ دیکھنے کے لیے ایک گیٹ وے کا کام کرے گی۔سنیما کی شاندار دنیا کے ساتھ جموں کشمیر کے اشتراک کے خصوصی رشتے پر بات کرتے ہوئے لیفٹیننٹ گورنر نے کہا کہ فلموں اور تھیٹر نے ہمیشہ سماجی و اقتصادی تبدیلی میں کلیدی کردار ادا کیا ہے۔انہوں نے جموں و کشمیر میں فلمی ماحولیاتی نظام کو بحال کرنے کے لیے یو ٹی انتظامیہ کی کوششوں پر بھی روشنی ڈالی۔فلم ساز وادی میں واپس آ رہے ہیں۔ لیفٹیننٹ گورنر نے کہا کہ امیر ثقافت، دلکش مناظر، عالمی معیار کی سہولیات اور فلم سے متعلقہ انفراسٹرکچر نے جموں کشمیر کو فلم کی شوٹنگ کی سب سے پسندیدہ جگہ قرار دیا ہے۔انہوں نے کہا کہ  جے اینڈ کے فلم پالیسی نے یو ٹی میں ایک متحرک فلمی ماحولیاتی نظام بنایا ہے اور جموں کشمیر میں فلموں کی شوٹنگ کی اجازت دینے کے لیے، ترجیحاً 2 سے 4 ہفتوں کے اندر، سنگل ونڈو سیل قائم کرکے فلم سازی کو آسان بنانے کے لیے انتظامی مدد کی ہے۔فلم کی شوٹنگ کی بحالی اور سنیما ہالوں کی واپسی نے جموں کشمیر کے باصلاحیت نوجوانوں کے لیے کاروباری مواقع پیدا کیے ہیں۔ انہوں نے مزید کہا کہ ہم فلم انڈسٹری کے ذریعے جموں کشمیر میں سرمایہ کاری کو راغب کرنے کے لیے پرامید ہیں تاکہ روزگار کے زیادہ مواقع پیدا ہوں اور یہ سیاحت کو فروغ دینے میں بھی اہم کردار ادا کرے گی۔اس موقع پر لیفٹیننٹ گورنر نے عوام سے پرامن اور خوشحال جموں کشمیر کی تعمیر کے لیے حکومت کی کوششوں میں مدد کرنے کی اپیل کی۔