پٹرولیم اور دھماکہ خیز مواد کی صنعت کی تعمیل عوامی تحفظ کے ساتھ متوازن ہونی چاہئے۔ پیوش گوئل

 نئی دلی/ صنعت  و تجارتکے مرکزی وزیر جناب پیوش گوئل نے کل نئی دہلی میں ایک اسٹیک ہولڈر مشاورت کی صدارت کی تاکہ پیٹرولیم، دھماکہ خیز مواد، آتش بازی اور دیگر متعلقہ صنعت کے رہنماؤں سے بصیرت اور رائے حاصل کی جاسکے، جس کا مقصد پیٹرولیم اور دھماکہ خیز مواد کی حفاظت کی تنظیم (PESOPE) کے کام میں کارکردگی کو بڑھانا ہے۔  جناب گوئل نے کہا کہ پٹرولیم اور دھماکہ خیز مواد کی صنعت کی تعمیل عوامی تحفظ کے ساتھ متوازن ہونی چاہیے۔ اسٹیک ہولڈر کنسلٹیشن ڈیپارٹمنٹ فار پروموشن آف انڈسٹری اینڈ انٹرنل ٹریڈ (DPIIT) نے بلائی تھی۔جناب گوئل نے  پی ای ایس او کی طرف سے دیے گئے لائسنسوں کے لیے لائسنسنگ فیس میں خواتین کاروباریوں کے لیے 80% اور  ایم ایس ایم ایز کے لیے 50% رعایت کا اعلان کیا۔ انہوں نے پی ای ایس او کو ہدایت کی کہ وہ مرکزی آلودگی کنٹرول بورڈ (سی پی سی بی) اور وزارت پٹرولیم و قدرتی گیس (ایم او پی این جی) کے ساتھ مشاورت سے رہنما خطوط تیار کرے تاکہ حفاظتی اقدامات کا ایک نمونہ تیار کیا جا سکے جس سے پٹرول پمپوں کے خوردہ دکانوں کو ایسے معاملات میں کام کرنے کی اجازت دی جائے جہاں 30 -50 میٹرکے اندر رہائش ہو۔ وزیر نے کہا کہ سلنڈروں کے لیے کیو آر کوڈ گیس سلنڈر رولز (جی سی آر) کے مسودے میں شامل کیا گیا ہے اور حتمی نوٹیفکیشن جلد ہی جاری کیا جائے گا۔ انہوں نے ہدایت کی کہ دھماکہ خیز مواد، ٹرانسپورٹ اور مینوفیکچرنگ کا لائسنس دس سال کے لیے دیا جا سکتا ہے یا نہیں، اس کا مطالعہ کرنے کے لیے ایک کمیٹی بنائی جائے گی۔ ایک کمیٹی لائسنس کی میعاد 10 سال کرنے کے معاملے کا جائزہ لے گی کیونکہ دھماکہ خیز مواد کے علاوہ تمام لائسنس دس سال کی مدت کے لیے دیے جاتے ہیں۔عمل کو مزید ہموار کرنے کے لیے، وزیر نے ہدایت کی کہ مزید علاقوں میں تھرڈ پارٹی انسپیکشن ایجنسیوں  کو شامل کرنے کی کوشش کی جانی چاہیے۔ انہوں نے کہا کہ  پی ای ایس  او کی طرف سے آن لائن اجازت کے ماڈیولز ان چند علاقوں کے لیے تیار کیے جائیں گے جو ابھی تک آف لائن ہیں۔ جناب گوئل نے ہدایت دی کہ پی ای ایس او میں اسامیوں کو بھرنے کے عمل کو تیز کیا جانا چاہیے۔