پرنسپل سیکرٹری ثقافت سریش کمار گپتا نے آج پلوامہ کا دورہ کیا اور حکومت کے عوامی رَسائی اور شکایات کے ازالے کے پروگرام کے تحت آج یہاں ایک عوامی دربار کی صدارت کی۔دربار میں وفود نے حکومتی عوامی رابطہ پروگراموں کے مثبت کردار کا اعتراف کیا اور بلاک دیوس اور عوامی دربار جیسے پروگراموں کے ذریعے مختلف مسائل اور مطالبات کے حل کو سراہا ۔اِس موقعہ پر عوام اور وفود نے خطے سے متعلق ترقیاتی اور اِنتظامی مسائل پر مبنی متعدد مطالبات اور شکایات پیش کیں جن پر توجہ دینے کی ضرورت ہے۔پرنسپل سیکرٹری نے عوامی دربار کے دوران شرکا¿سے خصوصی بات چیت کی اور ان کی شکایات اور مطالبات سماعت کی۔ اُنہوں نے ترقیاتی عمل میں فعال طور پر حصہ لینے اور حکمرانی کا حصہ بننے پر عوام کی سراہنا کی اور اُن مسائل اور مطالبات کا بھی نوٹس لیا جن کے لئے محکمہ کی سطح پر مداخلت کی ضرورت ہے۔اِس موقعہ پر اُنہوں نے خطاب کرتے ہوئے شرکا¿کو یقین دِلایا کہ اِنتظامیہ بہترطرزِ حکمرانی کے عمل کو عملانے اور ان کے مسائل کے بروقت حل کو یقینی بنانے کے لئے عوام کے ساتھ مل کر کام کرنے کے لئے پُرعزم ہے۔ اُنہوں نے عوامی درباروں کے اِنعقاد کے بنیادی مقصد پر زور دیتے ہوئے اِنتظامیہ اور عوام کے درمیان ان کی دہلیز پر براہ راست رابطے کو آسان بنانے میں اَپنے کردار پر زور دیا تاکہ شہریوں کو اَپنے مسائل اظہار کرنے اور سرکاری حکام سے بات کرنے کے لئے آسان رَسائی کو یقینی بنایا جاسکے۔اُنہوں نے افسروں کو ہدایت دی کہ وہ عوامی دربار کے دوران اُٹھائے گئے تمام شکایات کو ریکارڈ کرنے کے لئے ایک جامع ایکشن فارمیٹ تیار کریںاور ان کو ازالہ کرنے کی پیش رفت بھی کریں۔اِس سے قبل ضلع ترقیاتی کمشنر پلوامہ ڈاکٹر بشارت قیوم نے پرنسپل سیکرٹری کاوالہانہ اِستقبال کیا اور پروگرام کے اغراض و مقاصد کی وضاحت کی اور ضلع کے ترقیاتی منظرنامے کا جائزہ پیش کیا۔پرنسپل سیکرٹری نے مختلف محکموں کی جانب سے لگائے گئے سٹالوں کا بھی معائینہ کیا اور پہلے سے طے شدہ اہداف کو حاصل کرنے پر توجہ مرکوز کرتے ہوئے مختلف سکیموں کے تحت ہونے والی پیش رفت کا جائزہ لیا۔ اِن سٹالوں میں عوام کو فائدہ پہنچانے کے مقصد سے متعدد سرکاری سکیموں اور خدمات کی نمائش کی گئی۔بعدمیں سریش کمار نے گپتا نے اہل اِستفادہ کنندگان میں منظوری نامے، گولڈن کارڈ اور دیگر سر ٹیفکیٹ تقسیم کئے اور مختلف سکیموں کی تکمیل کے لئے کی جانے والی کوششوں کی ستائش کی ۔