بھارت کو خسرہ اور روبیلا کی بیماری کی روک تھام میں مثالی کوششوں کے لیے ‘  میزلساور روبیلا چیمپئن’ ایوارڈ ملا

 نئی دلی/خسرہ اور روبیلا سے نمٹنے کے لیے ملک کی انتھک کوششوں کے اعتراف میں، ہندوستان کو 6 مارچ 2024 کو واشنگٹن ڈی سی، امریکہ میں امریکن ریڈ کراس ہیڈ کوارٹر میں خسرہ اور روبیلا پارٹنرشپ کے ذریعے باوقار میزلس اور روبیلا چیمپئن ایوارڈ سے نوازا گیا ہے۔ ڈپٹی چیف آف مشن، سفارت خانہ ہند، واشنگٹن ڈی سی نے وزارت صحت اور خاندانی بہبود، حکومت ہند کی جانب سے ایوارڈ وصول کیا۔ میزلس اور روبیلا پارٹنرشپ ایک کثیر ایجنسی کی منصوبہ بندی کمیٹی پر مشتمل ہے جس میں امریکن ریڈ کراس،  گاوی،    یو ایس  سی ڈی  سی، یو این ایف،   یونیسیف اور ڈبلیو ایچ  اوشامل ہیں، یہ سب خسرہ سے ہونے والی عالمی اموات کو کم کرنے اور روبیلا کی بیماری کو روکنے کے لیے وقف ہیں۔ یہ اعزاز صحت عامہ کے تئیں ہندوستان کی غیر متزلزل وابستگی اور بچوں میں ان متعدی بیماریوں کے پھیلاؤ کو روکنے میں اس کی شاندار قیادت کا جشن مناتا ہے۔ یہ ملک کے یونیورسل امیونائزیشن پروگرام  کے تحت معمول کی حفاظتی ٹیکوں کو مضبوط بنانے کے لیے  ‘خسرے کو بطور ٹریسر’ استعمال کرتے ہوئے خسرہ اور روبیلا کے خاتمے کے پروگرام کو علاقائی قیادت فراہم کرنے کے لیے ہندوستان کو مزید تسلیم کرتا ہے۔ متعدد چیلنجوں کا سامنا کرنے کے باوجود، ہندوستان نے خسرہ اور روبیلا کے معاملات کو کم کرنے اور جامع مداخلتوں کی ایک سیریز کے ذریعے وباء کو روکنے میں قابل ذکر پیش رفت کا مظاہرہ کیا ہے۔ اعلی خطرے والے علاقوں میں حکومت ہند کی فعال  ایم آر ویکسینیشن مہم اور کم سہولیات سے محروم آبادی تک پہنچنے کے لیے جدید حکمت عملیوں، نگرانی کے مضبوط نظام اور موثر عوامی بیداری کے اقدامات نے اس کی آبادی کی صحت اور بہبود کے تحفظ میں کلیدی کردار ادا کیا ہے۔ یہ ایوارڈ ملک کے فرنٹ لائن ہیلتھ ورکرز، ہیلتھ کیئر پروفیشنلز، پالیسی سازوں اور ملک بھر کی کمیونٹیز کی لگن اور محنت کا ثبوت ہے۔ ان کوششوں کے نتیجے میں 50 اضلاع میں مسلسل خسرہ کا کوئی کیس سامنے نہیں آیا جبکہ 226 اضلاع میں گزشتہ 12 مہینوں کے دوران روبیلا کیس رپورٹ نہیں ہوئے۔ خسرہ اور روبیلا ویکسین سے بچاؤ کے قابل بیماریوں نیزاور  ایم  آر ویکسین 2017 سے ہندوستان کے یونیورسل امیونائزیشن پروگرام کا حصہ ہے۔ حکومت ہند ملک سے خسرہ اور روبیلا کو ختم کرنے کی سمت کام کر رہی ہے۔