سرینگر میں ایک شخص کا چھرا گھونپ کر قتل

وسطی کشمیر کے ضلع سرینگر بٹہ مالو بائی پاس مومن آباد میں منگل کی شام اُس وقت سنسنی پھیل گئی جب ایک شخص کا چھرا گھونپ کر قتل کردیا گیا ۔ معلوم ہوا ہے کہ منگل کی شام کو مومن آباد بٹہ مالو میں نامعلوم افراد نے ایک شخص اعجاز احمد بٹ ساکن مومن آباد کے پیٹ میں چھرا گھونپا جس کے نتیجے میں وہ خون میں لت پت وہیں گر پڑا ۔ اس دوران لوگوں نے اعجاز احمد کو زخمی حالت میں جے وی سی ہسپتال پہنچایا جہاں ڈاکٹروں نے اسے مردہ قراردیا۔ دریں اثناءپولیس نے اس ضمن پولیس نے رپورٹ درج کرکے حملہ آوروں کی تلاش شرو ع کردی ہے ۔ دریں اثناءاس واقعے کی وجہ سے علاقے میں سنسنی کا ماحول پھیل گیا اور لوگوں کو چمہ گوئیاں کرتے ہوئے دیکھا گیا البتہ فوری طور پر اس ہلاکت کے پیچھے کی وجہ معلوم نہ ہوسکی۔