لیفٹیننٹ گورنر نے سرمایہ کاری کو   فروغ دینے  سے متعلق اعلیٰ سطحی میٹنگ کی صدارت کی

  جموں/ جموںو کشمیر کے لیفٹیننٹ گورنر منوج سنہا نے آج ایک اعلیٰ سطحی میٹنگ کی صدارت کی تاکہ جموں و کشمیرمیں مزید سرمایہ کاری کو راغب کرنے کی حکمت عملیوں پر تبادلہ خیال کیا جا سکے اور  تمام مسائل کو بڑی ہم آہنگی کے ساتھ فعال طور پر حل کیا جائے اور معیشت کو فروغ دینے کے لیے کاروبار کرنے میں آسانی کو بڑھایا جائے۔ اجلاس میں شالین کابرا، فنانشل کمشنر ریونیو ، ڈاکٹر پیوش سنگلا، سیکرٹری ریونیو ڈیپارٹمنٹ؛  رمیش کمار، ڈویژنل کمشنر جموں، محترمہ اونی لواسا، ڈی سی جموں؛  سچن کمار ویشی، ڈی سی ادھم پور؛  راکیش منہاس، ڈی سی کٹھوعہ؛  ابھیشیک شرما، ڈی سی سامبا؛ محترمہ انو ملہوترا، ڈائریکٹر جنرل، صنعت و تجارت، جموں؛ محترمہ سمیتا سیٹھی، سیکرٹری صنعت و تجارت محکمہ؛ شیو کمار گپتا، وائس چیئرمین، جموں ڈیولپمنٹ اتھارٹی (جے ڈی اے  نے شرکت کی۔ میٹنگ کے دوران لیفٹیننٹ گورنر نے جموں میں ڈویژنل کمشنر آفس اور جموں، کٹھوعہ، سانبہ اور ادھم پور کے 4 ڈپٹی کمشنر دفاتر میں انڈسٹریز اینڈ کامرس ڈیپارٹمنٹ کا ہیلپ ڈیسک قائم کرنے کی ہدایت کی۔ لیفٹیننٹ گورنر نے کہا کہ جموں کشمیر انتظامیہ کا بنیادی مقصد زمین کے استعمال میں تبدیلی اور کاروبار کرنے میں آسانی کو بڑھانے سمیت تمام مسائل کے حل کے لیے فعال اور ساختی ردعمل کو یقینی بنانا ہے۔ لیفٹیننٹ گورنر نے کہا، ’’متعلقہ عہدیداروں کو ضروری مدد فراہم کرنی چاہیے، سرمایہ کاروں کو ہینڈ ہولڈنگ کرنا چاہیے اور سرمایہ کاروں کو مقررہ وقت میں تمام منظوری حاصل کرنے میں مدد کرنی چاہیے۔