بھارت ہمیشہ خاص دوست اور بھروسہ مند پارٹنر رہے گا۔فجی کے وزیر اعظم

 سووا(فجی)۔17؍ فروری۔/ فجی کے وزیر اعظم سیتیونی ربوکا نے جمعرات کو کہا کہ ہندوستان انتہائی ضرورت کے وقت ان کے ملک کے ساتھ کھڑا ہے اور ہمیشہ ایک خاص دوست اور بھروسہ مند پارٹنر رہے گا۔ فجی کے وزیر اعظم نے جمعرات کو سووا، فجی میں وزیر خارجہ ایس جے شنکر کے ساتھ ایک مشترکہ پریس بیان کے دوران کہا، "مجھے یہ کہتے ہوئے خوشی ہو رہی ہے کہ ہندوستان ہمیشہ فجی کا ایک خاص دوست اور بھروسہ مند پارٹنر رہے گا۔ہم نے مل کر ایک مضبوط کثیر جہتی شراکت داری قائم کی ہے جس میں قومی تعمیر کے تمام بڑے شعبوں میں تعاون شامل ہے۔  ہندوستان سخت ضرورت کے وقت ہمارے ساتھ کھڑا ہے۔  ہم جان بچانے والی ویکسین اور انسانی امداد کی فراہمی کے ذریعے ہماری مدد کرنے کے لیے حکومت ہند کے شکر گزار ہیں۔ انہوں نے فیجی میں 12ویں عالمی ہندی کانفرنس کی مشترکہ میزبانی میں تعاون کے لیے پی ایم مودی اور حکومت ہند کی تعریف کی۔  انہوں نے  کہا کہ  فجی اجتماعی ترجیحات کے ذریعے ہمارے بحرالکاہل خطے کی ترقی کے تئیں ہندوستان کے عزم کی تعریف کرتا ہے۔  ہم فیجی، بحرالکاہل اور اس سے آگے کے خاندانوں کے لیے ایک مضبوط اور پائیدار مستقبل بنانے کے لیے پہلے سے کہیں زیادہ پرعزم ہیں۔ انہوں نے مزید کہا: "حکومت فجی کی جانب سے، میں اس اہم تعاون کو محسوس کرنے کے لیے حکومت ہند کا شکریہ ادا کرتا ہوں۔  مجھے یقین ہے کہ ہم اپنے تعاون کو مزید گہرا کرتے ہوئے اس طرح کے بہت سے اقدامات کا مشاہدہ کریں گے۔ فجی کے وزیر اعظم نے مزید کہا کہ ان کے ملک سے بہت سارے لوگ طبی علاج اور تعلیم کے لیے ہندوستان آتے ہیں۔ ہندوستان اور فجی کے درمیان ویزا سے استثنیٰ کے مفاہمت نامے پر، وزیر اعظم نے کہا: "ہمیں یقینی طور پر فائدہ ہوگا، اگرچہ پیمانہ مختلف ہوسکتا ہے۔