29جون سے شروع ہونے والی امر ناتھ یاتر اکے لئے بیس ہزار کے قریب مزیداضافی دستوں کی تعیناتی کافیصلہ

اضافی دستوںکویاتراکے اختتام کے بعد سرحدوں کی حفاظت پرتعینا ت کیاجائےگا /وزارت داخلہ
سرینگر/جون سے شروع ہونے والی امر ناتھ یاترا کے لئے حفاظت کے اقدامات مزید سخت کردیئے گئے ۔پانچ سو کے قریب کمپنیوں کی تعیناتی کے علاوہ بیس ہزار سکوٹی اہلکاروں کی تعیناتی عمل میں لائی جارہی ہے جنہیں بعد میں سرحدوں کی حفاظت کے لئے تعینات کیاجائےگا ۔اے پی آئی نیوز کے مطابق29جون سے شروع ہونے والی امر ناتھ یاترا کے لئے انتظامیہ کی جانب سے اٹھائے جانے والے اقدامات کوآخری شکل دی جارہی ہے او رامر ناتھ یاترا کے ضمن میں اب اُلٹی گنتی شرو ع ہوگئی ہے۔ مرکزی وزارت داخلہ نے پہلے ہی پانچ سو کمپنیاں امر ناتھ یاتر اکوخوش اسلوبی کے ساتھ انجام دینے کے لئے جموں سے پویترغفا تک تعینات کرنے کااعلان کیاہے تاہم وزارت داخلہ کی جانب سے سات جون کوایک او راعلان کیاگیا جس کے مطابق مزیدبیس ہزا رآئی ٹی بی پی ا ٓئی ایس ایف سی آر ایف کے جوانوں کوامرناتھ یاترا کی حفاظت کے لئے تعینات کیاجائےگاتاکہ تین دائروں والی حفاظت کو مزید مضبوط مستحکم بنایاجاسکے ۔وزارت داخلہ کے سیکریٹری کی جانب سے جاری کئے گئے ایک بیان کے مطابق بگھوتی نگر جموں سے پویترغفا تک یاتریوں کی حفاظت کویقینی بنانے کی ضمن میں ہرممکن اقدامات اٹھائے جارہے ہے او ررواں برس کے دوران شیولنگم کے درشن کے لئے بڑی تعداد میں یاتری وارد کشمیرہونے جارہے ہیں۔ وزارت داخلہ کے مطابق کسی بھی امکانی گڑ بڈ یاعسکریت پسند کی جانب سے یاتر امیں رخنہ ڈالنے کی اگرچہ کوشش کی جائے گی تاہم ان کے ارادوں کوناکام بنانے کے لئے ہر طرح کے اقدامات پہلے ہی اٹھائے گئے ہے تاکہ یاتر کے دوران کوئی بھی ناخوشگوا رواقع رونماءنہ ہوسکے۔ وزارت داخلہ کے مطابق امر ناتھ یاتراکے مطابق بیس ہز ارکے اضافی دستوں کو سرحدوں کی حفاظت کے لئے تعینا ت کیاجائےگاتاکہ عسکریت پسندوںکی دراندازی اوراسلحہ کی تسکری کو مکمل طورپرناکام بنایاجاسکے ۔