سری نگر میں جی 20 اجلاس کا انعقاد کافی اہمیت کاحامل

کشمیرمیں قالین، کڑھائی اور شالوں سے لےکر کاریگری اور دستکاری کی ایک وسیع پہنچ:جتندرسنگھ
سری نگر/مرکزی وزیر جتیندر سنگھ نے منگل کو یہاں کہا کہ سری نگر میں جی 20 اجلاس کے انعقاد کی اہمیت یہ ہے کہ یہ شہر روایتی ورثے اور جدید ٹیکنالوجی کے ساتھ جدیدترین ڈھانچے کا ایک عجیب امتزاج ہے۔جے کے این ایس کے مطابق یہاں جھیل ڈل کے کنارے پر واقع’ ایس کے آئی سی سی‘ میں جی 20 ممالک کے سیاحتی ورکنگ گروپ کے تیسرے اجلاس کے افتتاحی اجلاس سے خطاب کرتے ہوئے، وزیر اعظم کے دفتر میں وزیر مملکت(آزادانہ چارج)ڈاکٹر جتیندر سنگھ نے کہا کہ ہندوستان جہاں تک معیشت، ماحولیات، اور معاشرے کا تعلق ہے، کے تئیں اپنی ذمہ داری ہے، عالمی ذمہ داری کو بانٹنے کےلئے تیار ہے۔انہوںنے کہاکہ آج جب ہم سری نگر کے خوبصورت مقام پر ملتے ہیں تو ہمارے اندر یہ گہرا احساس ہوتا ہے کہ ہم سب عالمی دنیا کا حصہ ہیں اور نریندر مودی کی وزارت عظمیٰ میں ہندوستان اس سے بہت محتاط ہے۔ڈاکٹرجتندرسنگھ نے کہا کہ ہندوستان کے چیلنجز، خدشات اور معیارات عالمی ہیں اور اس کی ترقی کو بھی عالمی ہونا چاہیے۔انہوںنے مزیدکہاکہ اسی لئے وزیراعظم مودی موسمیاتی چیلنجز کے بارے میں فکر مند ہیں۔مرکزی وزیرنے کہاکہ ہم نے2070 تک خالص صفر کا ہدف حاصل کرنے کا بھی عہد کیا ہے۔انہوں نے کہاکہ سرینگر میں G20 ایونٹ کے انعقاد کی اہمیت یہ ہے کہ یہ ہمارے روایتی ورثے اور جدید ترین ٹیکنالوجی کے ساتھ جدید ترین انفراسٹرکچر کا ایک عجیب امتزاج ہے۔مرکزی وزیر نے کہاکہ سری نگر، کشمیری اور فارسی کےساتھ ساتھ سنسکرت دونوں میں سیکھنے کی ابتدائی نشستوں میں سے ایک رہا ہے۔کشمیر میں قالین، کڑھائی اور شالوں سے لے کر کاریگری اور دستکاری کی ایک وسیع رینج یاپہنچ ہے۔انہوں نے کہاکہ دوسری طرف، ہمارے پاس سب سے زیادہ جدید انفراسٹرکچر اپ گریڈ شدہ پروجیکٹس ہیں۔ ہمارے پاس دنیا کا سب سے اونچا ریلوے پل ہے جو ایفل ٹاور سے35 میٹر اونچا ہے۔ یہ دریائے چناب کے اوپر واقع ہے جو ہندوستان کے سب سے بڑے دریاو ¿ں میں سے ایک ہے۔ڈاکٹر جتیندر سنگھ نے کہا کہ جموں و کشمیر میں ایشیا کی سب سے لمبی دو طرفہ سڑک سرنگ بھی ہے جو سری نگر جموں قومی شاہراہ پر شیاما پرساد مکھرجی ٹنل کے نام سے مشہور ہے۔جی20 کی ہندوستان کی صدارت کا حوالہ دیتے ہوئے، مرکزی وزیر نے کہا کہ جہاں تک معیشت، ماحولیات اور سماج کے تئیں ہماری ذمہ داری کا تعلق ہے، ہندوستان عالمی ذمہ داری کو بانٹنے کےلئے تیار ہے۔