وزیر صحت نے سوئٹزرلینڈ  میں ورلڈ اکنامک فورم میں کمیونٹی ڈنر سے خطاب کیا

 حکومت یونیورسل ہیلتھ کوریج کو یقینی بنانے کے لئے انتودیا کے ویژن کو نافذ  کرنے کیلئے پرعزم ہے۔ منڈاویہ
دیوس ( سویٹزرلینڈ)۔17؍ جنوری/۔ہم صحت کے بنیادی ڈھانچے کو بڑھانے کے لیے کام کر رہے ہیں اور صحت کے نظام کو مضبوط بنانے اور صحت کی دیکھ بھال کی خدمات کے معیار، رسائی اور قابل استطاعت پر توجہ دینے کے ساتھ صحت کی خدمات کی فراہمی کو بہتر بنانے کے لیے متعدد اسکیمیں شروع کی ہیں۔” یہ بات صحت اور خاندانی بہبود اور کیمیکل اور کھاد کے مرکزی وزیر ڈاکٹر منسکھ منڈاویہ نے سوئٹزرلینڈ کے ڈیووس میں ورلڈ اکنامک فورم (WEF) کے زیر اہتمام صحت اور صحت کی دیکھ بھال کے کمیونٹی ڈنر میں شرکت کرتے ہوئے کہی۔ڈاکٹر منڈاویہ نے صحت کی دیکھ بھال کو سیوا (خدمت) کے طور پر اولین ترجیح کے مطابق ہندوستان کے وژن کا اعادہ کیا۔  انہوں نے کہا کہ چاہے وہ دنیا کی سب سے بڑی سرکاری فنڈڈ ہیلتھ انشورنس اسکیم کا آغاز ہو، پی ایم جن آروگیہ یوجنا جس میں تقریباً 500 ملین افراد شامل ہوں یا 150,000 صحت اور تندرستی مراکز کا قیام، ہم نے ‘ انتودیا’ کا وژن رکھا ہے، یعنی ‘ آخری شخص کا عروج’ ۔ فارماسیوٹیکل سیکٹر میں ہندوستان کے تعاون کی تعریف کرتے ہوئے، ڈاکٹر منڈاویہ نے کہا کہ "ہندوستان میں امریکہ سے باہر سب سے زیادہ یو ایس ایف ڈی اے مینوفیکچرنگ پلانٹس ہیں، اس کے علاوہ جنرک ادویات میں عالمی لیڈر ہے۔ یہ آر اینڈ ڈی  سرگرمیوں کے ایک مرکز کے طور پر ابھرا ہے اور اعلیٰ درجے کی تشخیصی خدمات کے لیے سرکردہ مقامات میں سے ایک ہے۔ پوری دنیا کو صحت کی خدمات فراہم کرنے کے لیے ایک قابل عمل فریم ورک بنانے کے لیے، حکومت جلد ہی ہیل ان انڈیا پہل کے ذریعے طبی سیاحت کو ادارہ جاتی شکل دے رہی ہے۔ڈاکٹر منڈاویہ نے اپنے اختتامی کلمات میں تمام اسٹیک ہولڈرز کو دعوت دی کہ وہ ہندوستان کو مواقع کی سرزمین کے طور پر دیکھیں اور ہندوستان کے ساتھ شراکت داری کرکے اس کا فائدہ اٹھائیں۔ یہ کوشش ہندوستان اور دنیا کو ایک صحت مند جگہ بنانے کی طرف لے جائے گی۔ڈاکٹر منسکھ منڈاویہ کانگریس سینٹر میں سوئٹزرلینڈ کے ڈیووس میں جاری ورلڈ اکنامک فورم کے سالانہ اجلاس میں اہم متعدد سیشنز میں شرکت کر رہے ہیں۔ اس طرح کے سیشنز کے سلسلے میں انہوں نے جرمنی کے وفاقی وزیر صحت کارل ولہیم لاؤٹرباخ کے ساتھ دوطرفہ ملاقات میں بھی شرکت کی جہاں انہوں نے جرمن ہم منصبوں کی طرف سے دکھائے گئے تعاون کو سراہتے ہوئے مستقبل میں بھی اس تعاون کو جاری رکھنے اور مزید مضبوط بنانے کے لیے پر امید ہیں۔