رام بن میں ایک ٹینکر گہری کھائی میں گرنے سے ایک ہلاک

پہلگام میں ایک یاتری کی حرکت قلب بند ہونے سے موت
سرینگر جموں شاہراہ پر رام بن کے قریب ایک ٹینکر گہرے کھائی میں جاگرا جس کے نتیجے میں اس کا ڈرائیور موقعے پر ہی ہلاک ہوا ہے ۔ ادھر پہلگام میں ایک امرناتھ یاتری حرکت قلب بند ہونے سے فوت ہوا ہے ۔اطلاعات کے مطابق سرینگر جموں شاہراہ پر رام بن ضلع میں پیر اہ کے نزدیک ایک ٹینکر گہری کھائی میں جاگرا جس کے نتیجے میں اس کے ڈرائیور کی موقعے پر ہی موت واقع ہوئی ۔ مہلوک ڈرائیور کی شناخت جاوید احمد ولد محمد یوسف چمل واس بانہال کے بطور ہوئی ہے ۔ پولیس نے اس ضمن میں متعلقہ دفعات کے تحت کیس درج کرلیا ہے ۔ دریں اثناءجمعہ کے روز ضلع اننت ناگ کے پہلگام علاق میں ایک یاتری اُس وقت فوت ہوا جب اس کے سینے میں اچانک درد پیدا ہوا جس کو فوری طورپر اگرچہ ہسپتال پہنچایا گیا تاہم ڈاکٹروں نے اسے مردہ قراردیا ۔ مہلوک یاتری کی شناخت مہاویر پرساد عمر 66برس ولد گپتا ساکن کرنال ہریانہ کے طور پر ہوئی ہے ۔