تین طیارے 629 ہندوستانیوں کے ساتھ ہنڈن ہوائی اڈے پر اُتر گئے

نئی دہلی: ۵ مارچ (یو این آئی) ہندوستانی فضائیہ (آئی اے ایف ) کے تین سی-127 ٹرانسپورٹ طیارے ہفتہ کی صبح یوکرین-رومانیہ، سلوواکیہ اور پولینڈ سے 629 ہندوستانی شہریوں کو لے کر ہنڈن ہوائی اڈے پر اُتر گئے آئی اے ایف نے کہاکہ ان پروازوں کے ساتھ ہندوستان نے ان ممالک کو 16.5 ٹن امدادی سامان پہنچایا ہے۔ آئی اے ایف نے کہا کہ آپریشن گنگا کے تحت، ہندوستانی فضائیہ نے اب تک 2056 مسافروں کو واپس لانے کیلئے 10 پروازیں کی ہیں، جبکہ جنگ زدہ یوکرین کیلئے 26 ٹن امدادی سامان پہنچایا ہے۔ آپریشن گنگا کے تحت اب تک 11500 ہندوستانی شہریوں کو یوکرین سے نکالا جا چکا ہے۔