چیلنجوں سے نمٹنے کے لیے ایک جامع، فیصلہ کن اور کارروائی کے عزم کا اظہار کیا۔

 ہند۔  کینیا  تعلقات  کو مضبوط بنانے  میں    بھارتی برادری  کا   رول قابل تعریف۔  مرلیدھرن
نیروبی /امور خارجہ کے مرکزی وزیر مملکت وی مرلیدھرن نے کینیا میں ہندوستانی برادری سے بات چیت کی اور نئی دہلی اور نیروبی کے درمیان تعلقات کو مضبوط بنانے میں ان کے تعاون کی تعریف کی۔  وزیر مملکت مرلیدھرن 22-23 نومبر تک کینیا کے سرکاری دورے پر  تھے۔ اس سے قبل بدھ کو، انہوں نے نیروبی کے کینیا میوزیم میں پہلی جنگ عظیم کے دوران مشرقی افریقہ میں ہندوستانی فوجیوں کے کردار کی یاد میں ایک نمائش کا بھی افتتاح کیا۔ انہوں نے ‘دی انڈین آرمی ان ایسٹ افریقہ’:1914-18 کے عنوان سے ایک کتاب بھی جاری کی۔ انہوں نے وزارت تجارت کی کابینہ سکریٹری ربیکا میانو کے ساتھ میٹنگ کی اور تجارت اور سرمایہ کاری کے مواقع کو آگے بڑھانے کے مقصد سے مختلف موضوعات پر تبادلہ خیال کیا۔ انہوں نے ربیکا میانو کے ساتھ نیروبی میں انڈیا-کینیا بزنس فورم کی بھی صدارت کی اور انڈیا-کینیا بزنس کونسل کا آغاز کیا۔   وزیر مملکت نے ایکس پر  ایک پوسٹ  میں کہا  کہ نیروبی میں سرمایہ کاری، تجارت اور صنعت کی وزارت کی عزت مآب کابینہ سکریٹری محترمہ ریبیکا میانو کے ساتھ ایک نتیجہ خیز میٹنگ ہوئی۔ تجارت اور سرمایہ کاری کے مواقع کو آگے بڑھانے کے مقصد سے مختلف موضوعات پر تبادلہ خیال کیا، جس میں ہندوستان اور کینیا کے درمیان قابل استعمال صلاحیت کو اجاگر کیا گیا۔اس سے پہلے،  وزیر مملکتنے نیروبی میں  بی اے پی ایس سوامی نارائن مندر کا بھی دورہ کیا۔ مرلیدھرن نے نیروبی یونیورسٹی میں مہاتما گاندھی کو خراج عقیدت پیش کیا اور مہاتما گاندھی لائبریری کا دورہ کیا، جو ہندوستان کی ترقیاتی شراکت داری کے تحت معاون ہے۔ انہوں نے کینیا میں ہندوستانی سابق طلباء سے بھی بات چیت کی۔ وزارت خارجہ کے ایک بیان میں کہا گیا ہے کہ اس سے قبل،  وزیر مملکت  مرلی دھرن نے 20-21 نومبر تک متحدہ جمہوریہ تنزانیہ کا کامیاب دورہ کیا۔