اسٹاک مارکیٹ 59 ہزار کی چوٹی سے نیچے

ممبئی(یو این آئی) بیرونی منڈیوں میں تیزی کے باوجود بدھ کو مقامی سطح پر ایچ ڈی ایف سی ، نیسلے ، آئی سی آئی سی آئی بینک ، کوٹک بینک اور او این جی سی جیسی کمپنیوں میں فروخت کے دبا¶ کے باعث اسٹاک مارکیٹ 59000 پوائنٹس کی چوٹی سے نیچے گر گئی۔ بی ایس ای کا 30 حصص کا حساس انڈیکس سینسیکس 77.94 پوائنٹس کی کمی سے 58927.33 پوائنٹس اور نیشنل اسٹاک ایکسچینج (این ایس ای) کا نفٹی 15.35 پوائنٹس کی کمی سے 17546.65 پوائنٹس پر آگیا۔ تاہم ٹیک مہندرا ، مہندرا اینڈ مہندرا ، ایچ سی ایل ٹیک ، بجاج آٹو اور ریلائنس انڈسٹریز میں خریداری نے مارکیٹ کو بڑی تباہی سے بچایا۔ بڑی کمپنیوں کے برعکس چھوٹی اور درمیانی کمپنیوں میں زبردست خریداری ہوئی۔ اس دوران بی ایس ای مڈ کیپ 374.42 چھلانگ لگا کر 25166.54 پوائنٹس اور اسمال کیپ 326.98 پوائنٹس چھلانگ لگا کر 27،856.10 پوائنٹس پر پہنچ گیا۔ بی ایس ای پر مجموعی طور پر 3403 کمپنیوں کے حصص کا کاروبار ہوا جن میں سے 1140 میں کمی جبکہ 2099 میں اضافہ ہوا، جبکہ 164 میں کوئی تبدیلی نہیں ہوئی۔ اسی طرح نفٹی 22 کمپنیوں کے حصص کی قیمتیں گر گئیں جبکہ 27 میں تیزی رہی۔بی ایس ای میں ایف ایم سی جی ، فنانس ، یوٹیلٹیز ، بینکنگ اور پاور گروپ کو 0.75 فیصد تک گرنے کے علاوہ باقی 14 گروپوں کو فائدہ ہوا۔ اس عرصے کے دوران رئیلٹی نے 8.39 فیصد کا سب سے زیادہ منافع کمایا۔ اسی طرح سی ڈی جی ایس 1.90 ، دھات 1.57 ، آٹو 1.43 ، بنیادی مواد 1.02 ، توانائی 0.98 ، ٹیک 0.92 ، آئی ٹی 0.63 ، انڈسٹریل 0.58 اور ہیلتھ کیئر 0.43 فیصد۔ اس کے علاوہ گروپ کے باقی حصص میں بھی 0.09 فیصد اضافہ ہوا۔